今次餅仔去到台灣,十餐裹面都有三四餐係食日本野.今次就黎到一間位於西門町,好多韓國人黎食既日本餐廳[三味食堂].
-
鋪頭十一點半開,我地十點九去到已經見到有一大堆人係到等緊.門口有張紙寫客人名同人數,你會發現十個人裹面有六七個係韓國名.
-
而重點既係,門口嗌飛果個哥哥仔係識讀韓國人既名,個嗌飛哥哥一讀名叫客人入座,全部韓國人起哄😂😂😂.
-
我地早左成九個字去,個List都排到去20.餐廳有分兩層,所以第二十張籌都仲可以第一輪食到🤟🏻.
-
入返正題,究竟依間三味食堂點解會吸引到咁多遊客黎食呢.原來係佢既鎮店之寶[巨型三文魚壽司].
-
依個巨型三文魚壽司餅仔曾經試下一口吞落口..當然..係失敗既🤦🏻♂️成個拳頭咁大,你塞我睇丫.你一口塞到既話..我..我..最多俾個Like你😂😂😂
-
基本上,黎得既客人最基本上都會叫依個巨型三文魚壽司.講返味道,係甘香既,但因為真係好厚同好大塊,其實真係好快就好滯同食唔晒,依個時候就可以自己可以行去拎個紙盒入落去拎返酒店夜晚食.
-
總括黎講,世界上有啲野唔係大就好🤤
Search